Ek aur

Milenge us paar.. Jahan sirf hum aur koi aur na ho..
Maddham chale hawa Jahan bheed ka koi shor na ho..
Surkh saadi me lipti dono baahe failaye ho tum khadi
hum dono ki nazdikiya itni ho ki gham-e-dil kisi oor na ho

Uzale Badalo ke beech.. Ek chota sa ghar ho..
Jahan dhool nahi bas teri bheeni sugandh ho..
Bas hum dono ho.. Sadiyo ke bichhade adhure
Aur ho tum bas meri.. Dur karti hume ye jaat ka dar na ho

Lage raho seene se ki dil ka dard kuch kam ho..
Bas jao meri rooh me jaise tum tum nahi hum ho..
Mere labo pe nishani do apne surkh hoto se..
Paas itne raho ki aur koi pyas ka gham na ho..

Dhadkano ko badhne do.. Aur hamara jism garm ho..
Lipte raho aise.. Jaise ghadhiyan bahot hi kam ho..
Do izazat mujhe apni sari tahzeeb bhulaane ka..
Dhadhkane tej to ho par duniya se koi dar na ho..

Ghul jao mujhme aur pighalo jaise tere sirf aur sirf hum ho.. 

Chhu lene do khudko.. Ki tab wo sama khatam na ho..
Baahon ko dalo meri bahon me aur Karo mera ehsaas..
tumhari siskiyan to ho.. Par is baar koi gam na ho..

Bikhra to sab rahe.. Par sametne ka man na ho..
Dekho meri aankho me, is doori ka koi bhram na ho 

dheemi ho jaye ghadi ki suiyan..Aur ghulte rahe hum
Tadapte karwate badle aur aankhe hamari bas nam na ho

Wahan sapna to ho par apne hatho se todne ka man na ho..
Aur koi rahe na rahe.. Bas tum raho tera gam na ho
Wo teri muskaan bhi wahi rahe jo tedhi si hai thodi
Himmat hum me ho itna ki kisi ko rulane ka dum na ho

Jaise toot gaye purane.. Ye waisa koi swapn na ho..
Hum karenge intezaar tumhara jaise agla koi janm na ho..
Is baar rukna mere liye meri jaan.. Hum aayenge tumhe lene
Ik baar karenge fir se koshish .. . Bas teri ummede kam na ho